Baandh raha hoon parchaaiyon ko main kacche dhaagon mein
Dhool khaatee hui tasveeron ko dhoondh raha hoon andheri galiyaaron mein
Ukertaa hoon apnee soch aur apne sapnon ko behtee huee fizaaon mein
Kabhie dekhtaa hoon apna jeewan teri likhee kahaaniyon mein
Bikhartee hui zindagee ko samet-taa hoon ret ki tarha muththiyon mein
Run-jhun run-jhun ka sangeet suntaa hoon bacchon kee kilkaariyon mein
Pyasaa hee khada reh jaataa hoon main tip-tip karte saawaan mein
Mrigeechikaaon** ke peeche bhaagta rehtaa hoon sehraaon mein
Rang birangee is duniyaa mein mujhko bus do rang mile
Unhee rangon se rach letaa hoon rachnaaen kaagaz kee deewaaron mein
-Aditya Rohatgi
** mrigeechikaa = mithya aabhaas
aapne jeewan ka aina , kubsurat shabdo me lipti hui
ReplyDeleteBy God ki kasam, kya likhta hai !! What a choice of words...wat a unique piece of word...I need a dictionary man!! you are just too much of a "POET" now...:D Bahut hiiiii Badhiyaa!
ReplyDelete